Min viux Hinnin        Retour à la page du chti

            1 – Min viux Hinnin j’ t’ai querre

                  J’ pins’ à ti comm’ à m’ mère 

                  Quand chouqu’ ej’ t’ arverrai      

                  Pus jomais après j’ t’ quitt’rai   

                  Pour mi t’ es biau comm’ rin    

                  J’ t’ai querre min viux Hinnin .  

            2 – J’ai querre tin viux cloquer

                  Quand i s’ met à sonner

                  Sin carillon d’ baptême

                  Lon lon la lon la dérirème

                  Dins mi i est grave

                  D’pus qu’ ej’ sus baptisé .

            3 – Tes masons n’ sont point belles

                  Tes rues ch’est des ruelles

                  In s’ tord el’ pied souvint

                  Tes pavés sont viux mais enfin

                  Peuv’nt print’ des précautions

                  Chell’s qu’ ont des hauts talons .

            4 – T’ es toudis plein d’ funquerre

                  Autant qu’ d’ noir’ poussière   

                  Cha vient d’ ches quéminées

                  D’ ech’ carbon qu’in vient d’ déquerquer

                  Et cha rind ingongnées

                  Ches femmes in train d’ nettier .

            5 – J’ai querre tes biaux marqués

                  Dù qu’ tous ches blancs bonnets

                  Vont fair’ leux provisions

                  Tout in faijant aller leux langues

                  Tant qu’à midi passé

                  L’ soup’ n’est point derchée .

            6 – L’ Pinncourt el fiêt’ d’Hinnin

                  Cha ch’est des biaux momints

                  Ches jonn’s gins sont bénach’s

                  I font pus d’ vingt fos l’ tour des plaches

                  Au soir i vont guincher

                  Ches viux jut’nt au piquet .

            7 – T’as point d’ prom’nat’s in l’ sait

                  In s’in va dins ch’ marais

                  In s’assit su ch’ gazon

                  Dins l’ bos Galland Martin Caron

                  Et in prind plein sin nez

                  Les sinteurs d’ ech’ fossé .

8 – Enfin chou qu’ ej déminde

Quand j’ quitt’rai ch’ pauf’ monde

Cha s’ra d’ êt’ intierré

A Saint Roch comm’ cha ej’ s’rai berché

Pindant l’éternité

Par les sons d’ tin cloquer