MES CATS
min père ch'étot un sot à biêtes
ch'est vrai qu'y les avot quère
mais c'qu'in dot arconaite
qui leur donnot ed'ché noms,misère
surtout pour c'qui est d'ché cats
y avot kroutchev et pis banania
et eune femelle appelée gayette
va t'in leur souhaiter leu fêtes
ch'est pas dins ch'calendrier
qui fallot aller les arcacher
n'a un qui s'appelot julflousse
pasque s'tiête al étot rousse
risquot pas d'les appelés
minou miquette ou bin minet
tout cha ch'étot trop facile
y préférot par exempe espadrile
alors quand in les appellot
tout ch'coron y s'bidonnot
in passot pour des gagas
quand in appellot nos cats
BIERLAIR René dit Cartouche