HUE DADA ! Retour à la page du chti
Mais quoich' que t'as donc, Mad'leine,
A braire ainsi, p'tit chouchou ?
Allons viens ! pour passer t' peine,
Faire à dada su' min g'nou.
Su' ch' temps-là, bonn' petit'mère,
(Comm' nous allons l' l'attraper) !
Indormira tin p'tit frère,
Et porra faire à souper.
Hu' dada ! hu' dada !
Su' l' petit q'va d' sin papa.
Il a tant maingé d'aveine ,
Qu'il a tout perdu s'n haleine...
Hu'! hu' ! hu' ! hu' ! dada ! !!
Surtout, n'aïons point d' colère,
Et n' donnons pus tant d' tracas.
Faijons bien vite, à pépère,
Eun' biell' babache à grands bras.
Sans cha, Monsieur Croq'-Mitaine,
Qui n'rit qu' tout juste, arriv'ra,
Et si s' prijon n'est point pleine,
Bien vite y t'y rinserr'ra
Hu' dada ! hu' dada !
Su' l' petit q'va d' sin papa.
Il a tant maingé d'aveine .
Qu'il a tout perdu s'n haleine...
Hu'! hu' ! hu' ! hu' ! dada ! ! !
Au contrair', si t'es bien sache,
A deux, dimanch, nous irons
Acater eun' bielle imache...
Dins pus d' chint nous queusirons.
T'aras l' drot d' prindre l' pus bielle
Malbrouck, Monsieur Dumolet, Barbe-Bleuss',
Cadet-Roussel, Mêm' L'histoir' du P'tit Poucet.
Hu' dada ! hu' dada ! Su' l' petit q'va d' sin papa.
Il a tant maingé d'aveine ,
Qu'il a tout perdu s'n haleine...
Hu'! hu' ! hu' ! hu' ! dada ! ! !
Et même aussi, te peux croire,
Min p'tit quin, min p'tit nounou,
Qu'on n'attindra point la Foire.
Pou' t' donner eun' biell' catou.
Cheull' catou n' sara point dire,
Bien sûr, papa ni maman ;
Ell' n'ara point s' tiête in chire...
Bah ! te l' I'aim'ras tout autant.
Hu' dada ! hu' dada !
Su' I' petit q'va d' sin papa.
Il a tant maingé d'aveine ,
Qu'il a tout perdu s'n haleine...
Hu'! hu' ! hu' ! hu' ! dada ! ! !
Cheull' catou s'ra biell', mad'leine,
Quand elle ara les habits,
Qu'avec des Pouffes, t' marraine
Li f ra, comme ell' la promis.
Mi, j' te donn'rai, sos in sûre,
Un p'tit cado , pou' l' l'assir,
Pou' l' fair' marcher, eun' cheinture ,
Eun' herche pou' l' l'indormir.
Hu' dada ! hu' dada !
Su' l' petit q'va d' sin papa.
Il a tant maingé d'aveine ,
Qu'il a tout perdu s'n haleine...
Hu'! hu' ! hu' ! hu' ! dada ! ! !
Espérons qu'à sin passache
Dins no' vill'. Saint-Nicolas
T' f'ra présint d'un p'tit ménache
Aïant d' tout, comm' te l' verras
Des verr's, des tass's, des assiettes,
Des fourchette', un p'tit charlet,
Des p'tits coutiaux, des serviettes,
Avec des ronds, s'i vous plaît.
Hu' dada ! hu' dada !
Su' l' petit q'va d' sin papa.
Il a tant maingé d'aveine ,
Qu'il a tout perdu s'n haleine...
Hu'! hu' ! hu' ! hu' 1 dada ! ! !
Mais l' petit dada d' pépère
Est las, i veut s'arrêter.
Incore pus d'eun' fos, j'espère,
I vodra bien t' fair' sauter.
Pour à ch't heur', min p'tit mioche,
Nous allons boir' du lolo,
Gra' Mère à poussière approche...
Il est temps d'aller dodo.
Hu' dada ! hu' dada !
Su' l' petit q'va d' sin papa.
Il a tant maingé d'aveine ,
Qu'il a tout perdu s'n haleine...
Hu'! hu' ! hu' ! hu' ! dada ! ! !