HISTOIRE DÉ P'TIT PRICE ET D' MARIANN'.TAMBOUR Retour à la page du chti

 

Du temps que j' por-tos camisole,

Onm' répétot six fos  par jour,        

Pour m'amuser,

L'histoir' fort drole

De P'tit-Prlce et d' Mariann'

Tambour,

J' m'lnvas bien fouiller dins  m’ mémoire

Pour tacher d' povoir dire ainsi

L' fin fond et l'terfond de ch' l'histoiret

Dins l'espoir qu'ell' vous f'ra plaisi

Ét v'la, foi d'Patrice,

Simple comm'  bonjour,

L'histolr' de P'tit Price

Et d' Mariann' Tambour.

 

Presque à l' même heur'. Price et Marianne,

Au monde, ont v'nu, dins l' mém' mason.

Il' on' eu les poquette' insenne,

Insenne ont fait leu communion

Infin, ch' marmouzet, cheull' marmotte,

A quinze ans s'intindott'nt si bien,

Qu'on n' veyot jamais l'un sans l'aute,

Ch'étot comm' saint Roch et sin quien.

Ét v'la, foi d'Patrice,

Simple comm'  bonjour,

L'histolr' de P'tit Price

Et d' Mariann' Tambour

 

 

Tous les dimanche', à La Funquée,

Ch'étot l' pus biell' guinguett' du temps,

Avecque s' maîtress' bien r'quinquée,

P'tit-Pric' faijot l' Roger-Bontemps.

On les veyot su' l' balochoire,

Hardis tous les deux comme un lion,

Au risque de s' casser l' mâchoire,

Se t'nir l'un d'sus l'aute à q'valion.

Ét v'la, foi d'Patrice,

Simple comm'  bonjour,

L'histolr' de P'tit Price

Et d' Mariann' Tambour...

 

 

Comme, alors, on faijot la guerre,

Qu'i' faulot des homme' à tout prix,

Un jour, ch' pauv' garchon s'in va quère

Un liméro, et le v'là pris.

Pinsant qu'i' laich'ra là s' maîtresse,

I' s'arrachot sin front, ses ch'veux...

Mais cheull' fill' li dit « Pus d' tristesse,

Nous allons partir tous les deux ! »

Ét v'la, foi d'Patrice,

Simple comm'  bonjour,

L'histolr' de P'tit Price

Et d' Mariann' Tambour

 

 

Li, qui savot bien batt' la caisse,

Comm' tous les Lillos de ch' temps-là,

In route a fait faire à s' maîtresse,

Des ra, des fla et des rafla.

Si bien, qu' veyant leu cop d' baguette,

Leu colannel, du premier jour,

A nommé P'tit-Pric', tambour-maîte,

Et fait passer Mariann', tambour.

Ét v'la, foi d'Patrice,

Simple comm'  bonjour,

L'histolr' de P'tit Price

 

 

Et d' Mariann' Tambour

Après six bonn's ainné's d' service,

A Lille, infin, les v'là r'venus

Un cousin, marchand d' pain n'épice,

Leu-z-a prêté trinte-huit écus.

Avec cheull' somme assez rond'lette,

Il' avott'nt leu q'min tout tracé

L'homme a fait faire eun' vinaigrette

Et derrière s' femme a poussé.

Ét v'la, foi d'Patrice,

Simple comm'  bonjour,

L'histolr' de P'tit Price

Et d' Mariann' Tambour

 

 

Comme i' n'ont point garni leus poches

A fair' trinte ans l' métier d' queva,

I' sont allés r'poser leus oches

A deux, l' mêm' jour, à l'hôpita.

Les dimanch' et les jours de fiête,

On peut les vir sortir à deux,

P'tit-Price appuyé su' s' crochette,

Et Marianne au bras d' sin pauv' vieux.

Ét v'la, foi d'Patrice,

Simple comm'  bonjour,

L'histolr' de P'tit Price

Et d' Mariann' Tambour