CROQSORIS       Retour à la page du chti

 

J'avos ms m'n amoureur eun' biête,

Un cat qu 'j'appélos Croqsoris.

Il étot pus rar' qu eun' co­ te

Avé s'gross   queue et ses poils gris.

Mais des bri gande d'min  voisinache,

A les Rois,  volant fair' féstin.

Ont pris cheull' pauve biéte au liache..

 Pou l'main-ger in guiss de lapin.

Chés méchant's gins ont tordu l'cou

D'min biau matou,

D'min gros minou,

Qui faijot si bien rniaou l Miaou

 

Et quand il' on' eu commis ch' crime,

Chés vrais vauriens, chés gins sans coeur,

Sont v'nus m' vir, et m' dir', pour la frime

« Brav' femm', nous plaingnons vo' malheur. »

Su' !' temps que j' perdos m' voisse à braire,

Il' ont pindu à min rideau,

Comme un graingnard d'apothicaire,

L' tiête d' min cat par sin musiau.

Chés méchant's gins ont tordu l'cou

D'min biau matou,

D'min gros minou,

Qui faijot si bien rniaou l Miaou

 

Veyant dins cheull' postur' cocasse

L' restant d' Croqsoris, qu' j'aimos tant,

J'ai poussé eun' longue esclamasse,

Au point d'arrêter chaq' passant.

J'ai pris dins mes mains cheull' pauv' tiête,

Je l' l'ai bajé' comm' du bon pain,

Et, pou' !' conserver, j' l'ai fait mette

Din' un grand bocal d'esprit d' vin...

Queu malheur, on a tordu l' cou,

D'min biau matou,

D'min gros minou,

Qui faijot si bien rniaou l Miaou

 

 

Croqsoris faijot mes délices,

Par tous les p'tits tours qu' i' m' juot.

Il avot des drôl's de caprices

Quand j'avos de !' viande, i' m' l'inl'vot ;

Si par hasard j'oblios d' mette

Eun' couverture à min pot d' lait,

J'étos bien sûr que ch' petit traîte

S'in Trot bien vit' l'avaler.

Queu malheur, on a tordu l' cou

D'min biau matou,

D'min gros minou,

Qui faijot si bien rniaou l Miaou

...

Comme il aimot les friandisses,

F li faijos mainger à tous r'pas,

Du fi, du pomon, des saucisses,

Et même d' l' andouillett' d'Arras !...

Chaq' jour, infin, ch'étot ducasse,

Je n' savos qu' faire pou' l' régaler,

Quand !' matin j' buvos m' petit' tasse,

J' li donnos m' tablette à chucher...

Queu malheur, on a tordu l' cou,

D'min biau matou,

D'min gros minou,

Qui faijot si bien rniaou l Miaou

.

 

Pour li j'avos l' caeur d'eun' bonn' mère

Quand il étot bien ingavé.

Je l' vettios, et j'étos tout' fière

D' vir que s' panch' ramonnot l' pavé...

Heureux comme un p'tit coq in pâte,

Car i' n' manquot jamais de rien,

Il a pourtant, juant de !' patte,

Un jour croqué min canarien...

Queu malheur, on a tordu l' cou,

D'min biau matou,

D'min gros minou,

Qui faijot si bien rniaou l Miaou

 

 

Malgré ses p'tits défauts, j' vous jure

Que j' donn'ros gros pour mil' ravoir...

J' vodros qu'on punich' de !' torture !

Cheuss'-là qui faitt'nt min désespoir !

J' vodros les vir din' eun' guéole,

Pindant tros heure' au pilori,

 Et leu marquer su' chaque épaule,

Chés mots, avec un fier rougi

« Chés méchant's gin' ont tordu !' cou

D' m'in biau matou,

D' min gros minou,

Qui faijot si bien miaou

Miaou!! »

 

 

Alexandre Desrousseaux