A m’maison à tab
Quand j’étot tchiot à not’ maison
Quand min père i touchot s’pinsion
M’mère al acatot un gros rosbif
Pour deux jours à n’ in mette dins s’guiffe
Malheureusemint al avot trop quére cha
Al le finichot par nuit et nous in faisot bajda
L’lendemain in mingeot des oeufs et pis frites
Pour nous aut’ l’rosbif chétot pas eune réussite
Quand min pére i allot à l’pêque
In mingeot des pâtes, tout in plat
Mais quand i étot là, in étot d’lèque
Car li i n’avot pas quére cha
Faut dire qu’i n’avot pas grammin d’appétit
I avot quère d’ bidet qu’un tchiot biftek
Avec des frites, pas pus qu’ six ou huit
Pasque si i n’avot d’puss ..berk !
Aujourd’hui quand j’minge
du rosbif ou bin des frites
el seul chosse qui m’déringe
ché d’pinser qu’elle et pis li
i n’sont pus là pour minger avec mi
BIERLAIR René dit Cartouche